戰士簡介

性格：自信、好學、懂得欣賞自己

擅長：勇於接受挑戰、克服困難

口頭禪：「俾啲自信啦！」

力力給同學的說話：

Hello，大家好！我係力力。好高興可以加入炳炎大家庭，成為大家嘅一份子，往後嘅日子，我會同各位一年級同學一齊建立自信，記住呀，做任何事都要對自己有信心，俾啲自信啦！有自信就可以克服困難架啦！請各位多多指教！

性格：合群、友善、喜歡分享、樂於助人

擅長：發揮團隊精神、按組員能力分配工作

口頭禪：「齊心便事成！」

琪琪給同學的說話：

各位同學仔好嘛？好高興可以認識到大家呀！我叫做琪琪，從今開始，我會同各位二年級嘅同學仔一齊同心協力，攜手通過重重嘅考驗同難關、創造出寶貴又難忘嘅經驗。各位要記住呀，無論遇到咩困難都好，你哋並唔係得一個人架，你嘅同學、組員同埋我都喺你身邊同心合作，跨過障礙，正所謂「齊心便事成」丫嘛！

性格：積極、樂觀、正面、笑臉迎人

擅長：發放正能量、積極主動地做事

口頭禪：「加油，俾心機！」

多多給同學的說話：

Hi！好開心被邀請加入炳炎大家庭呀！可以同各位三年級同學一齊參與歷奇學堂實在係我嘅榮幸呀！諗起都興奮呀！相信之後嘅日子有好多唔同嘅挑戰等緊我哋，記住唔駛徬徨架，因為無嘢難到我哋架嘛！加油，俾心機！YES！

性格：勇敢、意志力強、堅毅不屈

擅長：帶領組員衝破難關、做事永不氣餒

口頭禪：「無人可以叫我放棄！」

歡歡給同學的說話：

各位小戰士大家好！好高興能夠加入你哋，成為你哋嘅一份子。一諗到往後嘅日子可以同各位，尤其係四年級嘅你哋一齊並肩作戰，我真係覺得好高興。我做人嘅宗旨係「Never Give Up」，喺我字典入面係無「放棄」哩兩個字，我深信堅持就一定可以取得成功。記住，無人可以叫我哋放棄架！

性格：沉默、冷靜、愛思考、具尋根究底的精神

擅長：冷靜分析、隨機應變、從多角度思考

口頭禪：「嗯⋯⋯」

樂樂給同學的話：

嗯⋯⋯大家好。我係樂樂⋯⋯好⋯⋯高興可以認識大家。嗯⋯⋯我唔多鍾意說話，但我好鍾意思考。嗯⋯⋯可以參與五年級嘅歷奇課，係我嘅榮幸。嗯⋯⋯⋯⋯遇到問題時唔駛手足無措，冷靜分析同從唔同角度思考，總會有辦法解決。嗯⋯⋯講完喇。